Simon Lyngep inussani kitaarissutigisinnaanngoqqippai
Nipilersortartup qaqortuliamik kilitsiniartilluni assani itisuumik aasaq juunimi kilertoorpaa, tamatuma kingunerisaanik kitaarerluni tusarnaartitsisinnaajunnaarpoq, ajutooreernerup kingorna assani nakorsamut pilattaasartumut suliaritippaa, nakorsalli nalunaarutaat nipilersortartumut unamminarsimaqaaq:
- Oqarfigineqarpunga inuunerma sinnerani nipilersortarnittut nipilersoqqissinnaajunnaaratarsinnaasunga, taamatullu oqarfigineqarama aatsaat taama aliasutsigaanga, Simon Lynge taama oqarpoq.
AAMMA ATUARUK Simon Lynge aliasoqisoq aningaasatigut ikioqqusoq
Taamanili nipilersornerup silarsuaanut uteqqikkumalluni ilungersorluni sungiusarsimavoq. Taamaakkaluartoq sungiusarluarnissaq suli sivisussasoq taanna oqarpoq.
- Arriitsumik siumut ingerlarujoorpunga. Sivisuvoq. Sungiusaasuma oqarfigaanga, iluarsivinnissaa ukiunik marlunnik sivisussuseqarsinnaasoq. Assaga iluamik eqissinnaanngilara, taamaammat tigummiagaqarpiarsinnaanngilanga, kisianni kitaarissutigisinnaavara, Simon Lynge Københavnimi Kalaallit Illuutaanni sapaatip akunnerata tulliani tusarnaartitsisussaq oqarpoq.
- Ilumut qujamasoqaanga, neriuppunga tusarnaarumallunga aggialluarumaartusi.
Simon Lynge Københavnimi Kalaallit Illuutaanni septembarip ulluisa aqqaneq-aappaanni, Koldingimilu septembarip 13-iani aammalu Assensimi Kulturhusimi septembarip 15-iani tusarnaartitsisassaaq.
Simon Lyngep tusarnaartartuminut nalunaarutaa takujuk