USA-p sinniisoqarfik Issittumi Sakkutooqarfimmi maajimi ammarpoq.Assi: Arktisk Kommando

Sillimaniarnermik immikkut ittumik ilisimasalik: Amerikamiut soqutiginnimmata politikkikkut siunnersorti Nuuliarpoq

Nunarsuarmi pissaanillit soqutiginninnerat politikkikkut siunnersortimik pisariaqartitsinerusoqalersitsivoq. Siunnersorti Namminersorlutik Oqartussat, Danmarkimi oqartussat nunallu allat suleqatigiinneranni ataqatigiissaarisuussaaq.

Rusland issittumi aarlerinarsiartorpoq, tamannalu amerikamiunut Kalaallit Nunaanniinnerulersitsivoq. Taamaammat sillimaniarnermut politikkikkut piginnaasat amerlanerusut Nuummiinnissaat maanna pisariaqalerpoq.

Illersornissamut ministerip, Trine Bramsenip (S) sillimaniarnermut politikkikkut siunnersortimik aalajangersimasumik amerikamiut sinniisuata, Sung Choi-ip allaffiata saniani Nuummiitsitsiniarneranut tunngatillugu nutaarsiassaqaqattaarnerata nalaani Københavns Universitetimit ilisimatuuneq, sillimaniarnermut politikkimut immikkut ittumik ilisimasalik, Kristian Søby Kristensen taama naliliivoq.

- Russit missilii umiarsuaalu aqqartartut aarlerigineqaleraluttuinnarput, taamaammat Kalaallit Nunaat Pituffillu Amerikap nunavittaata illersornissaanut pingaaruteqarpoq, Kristian Søby Kristensen oqarpoq

- Pisut USA-p Ruslandimit unammillerneqaleriartotutut Issittullu najummassimanarerusutut misigineranut tunngapput, taanna oqarpoq itisiliillunilu:

- Kalaallit Nunaannut ukkatarinninnerup annertusiartuinnarnerani Issittumi Sakkutooqarfiup tungaaniit piginnaasanik inunnillu sillimaniarnermut politikkimi piviusumik nammineq najoqqutaqarsinnaasunik Københavimi illersornissamut ministereqarfimmut, Namminersorlutik Oqartussanut Issittumilu Sakkutooqarfimmut ikiuussinnaasunik tamanna pisariaqarnerulersitsivoq.

AAMMA ATUARUK Steen Lynge: Danskit siunnersortitaarnerat pissusissamisoorpoq

Taamaammat atorfeqalertussap Sung Choi kaffisoqatigiuartarnissaa suliassaasa ilagissagunarpaat. Allatulluunniit oqaatigalugu Naalagaaffeqatigiit sinnerlugit USA-mut atassuteqarnermik isumaginninneq.

Russit umiarsuaasa aqqartartut amerlinerat nassuiaatinut ilaasut

Trine Bramsenip nammineerluni atorfinitsitsineq pissaanillit akornanni sillimaniarnermut politikkiunerarpaa, Kristian Søby Kristensenillu taama oqarneq paasinarsisissaguniuk tamanna nunarsuarmi pissaanillit avannaarsuaniinnerulerniarannut tikkuusseqqippoq.

- USA Rusland-imut siusinnerusumit siooraneruvoq. Russit missilii umiarsuaallu aqqartartut annilaangagineqarnerupput, taamaalilluni Kalaallit Nunaat Pituffillu Amerikap nunavittaata illersornissaanut pigaaruteqarnerupput. Taamaalilluni pissaarnillit akornanni sillimaniarnermut politikkiulluni, taamaammallu Naalagaaffeqatigiit sillimaniarnikkut politikkikkut piginnaaneqarfianni tassa Issittumi Sakkutooqarfimmi siunnersorteqarnissaa aamma isumassaqarluarpoq, immikkut ilisimasalik nassuiaavoq.

Illorsornissamut ministeri aamma oqarpoq, nunarsuatsisini pissutsit allangoriartornerisa sukkannerat pissutigalugu sillimaninarneq pillugu siunnersortimik pisariaqaartitsineq naalakkersuinermik suliallit aatsaat iluamik takusinaalersimagaat.

AAMMA ATUARUK Grønland og Danmark underskriver erklæring om cybersikkerhed

Tamanna Kristian Søby Kristensenip taperserpaa tamannalu Ruslandimut USA-mullu oqaluttuarisaanermi sivisuumi unammeqatigiittunut ingammik tunngavoq. Sillimaniarnermut politikkikkut maanna pissutsini unammeqatigiinnerat sorsunnerup nillertup nalaani pissutsinik pingaartumik eqqaasitsisarpoq.

- Kalaallit Nunaat Amerikap nunavittaani sillimaniarnermut, aammali Atlantiku ikaarlugu imaatigut angallannermi sillimaniarnermut pingaaruteqaqqilerpoq. Taamaammat Kalaallit Nunaat sorsunnerup nillertup naanerata kingorna sakkutooqarnikkut soqutiginarseqqippoq, Kristian Søby Kristensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat