- Naalagaaffiup nammineq qanittumik suleqateqarnissamik kissaateqarnera timitalersorneqartoq, taava uagut allaffissornikkut eqaannerusumik suleqatigiissinnaanermik nalilersinnaavarput, Steen Lynge oqarpoq.Assi: KNR / Malik Brøns

Steen Lynge: Danskit siunnersortitaarnerat pissusissamisoorpoq

Danskit sillimanianermut siunnersortitut atorfimmik illersornissamut ministereqarfimmiit paarlakaattumik inuttaqartinneqartussamik pilersitsipput.

Taassuma danskit kalaallillu oqartussaasuisa sillimaniarnermut tunngasuni oqaloqatigiinnerat oqinnerulersinniassagaa, illersornissamut ministeri, Trine Bramsen, sisamanngormat oqarpoq.

Nunanut allanut tunngasunut naalakkersuisup Steen Lyngep taamaaliorneq tupaallaatiginagu pissusissamisuuinnartutut nalilerpaa.

- Naalagaaffiup nammineq qanittumik suleqateqarnissamik kissaateqarnera timitalersorneqartoq, taava uagut allaffissornikkut eqaannerusumik suleqatigiissinnaanermik nalilersinnaavarput, Steen Lynge KNR-imut oqarpoq.

AAMMA ATUARUK Ministeri politikkikkut siunnersorti nutaaq pillugu: Pissaanillit pillugit sillimaniarnermut polikkiuvoq

Danskit sillimaniarnermut siunnersortissaasa paarlakaallutik Nuummi sulisartussat, Naalagaaffiup Sinniisoqarfianiinnatik Issittumi Sakkutooqarfimmiinnissaat Steen Lyngep oqaaseqarfingerusunngilaa, Naalagaaffiulli Sinniisaa allanik suliassaqarnerarpaa.

- Sillimaniarnikkut ilisimasat illersornissakkullu ilisimasat Issittumi Sakkutooqarfimmiittut isumaqarpunga, Steen Lynge oqarpoq.

Neriuuteqartoq

Danskit atorfilittanik qaffasissumik inissisimasunik Nuummiititaqalernermikkut sillimaniarnikkut sukasarnerat annerusumik oqaaseqarfiumanngilaa. Oqaloqatigiinnerulli paaseqatigiinnerullu pitsaanerulernissaa neriuutigaa.

- Kalaallit Nunatsinninngaanniit kissaatigisagut sillimaniarnikkut illersornissakkut avammullu politikkeqarnikkut isumaqarpunga tassani suleqatigiissutigisinnaassagigut, Steen Lynge oqarpoq.

AAMMA ATUARUK Grønland og Danmark underskriver erklæring om cybersikkerhed

Politikkikkut siunnersortip USA-p Nuummi sinniisua Sung Choi allaffimmi affarlerissavaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat