Assi: Christopher Michel/Flickr Creative Commons

Silap pissusiata allanngoriartornera Svalbardimut sunniuteqarnerluttoq

Svalbardimi ataatsimut isigalugu ima kianneruleriartortigaaq, tamaani avatangiisinut eqquinerlussinnaalluni.

Immikkut ilisimasallit Norsk Klimaservicecenterimeersut taama allaaserisaqarput. Norsk Klimaservicecenter tassaavoq Norgemi silasiortut Norgellu nukissiuuteqarnermut ministereqarfiata suleqatigiinnerisigut pilersitaq.

Gassit silaannarmik kissakkiartortitsisartunik maanna aniatitsinerit aallaavigalugit immikkut ilisimasallit siumut ulluliillutik Nunarsuup avannaata imartaata nalaani ukioq 2100-mi ataatsimut isigalugu gradinik qulinik kiannerulersimassaaq:

- Gradinik qulinik kiannerulernera Issittumi pinngortitamut sunniuteqartorujussuussaaq, sikuusarnerami tamaani uumassusilinnut pingaaruteqartorujussuuvoq, Norgep silap pissusianut avatangiisinullu ministeria Ola Elvestuen, misissuinerit inerneri pillugit Reutersimut oqarpoq.

Kianneruleriartornerata Svalbardimi avatangiisinut sunniuteqaatigisinnaasai assigiinngitsut Norsk Klimaservicecenterip nalunaarusiaani tikkuarneqarput.

Sermersuit aakkiartupiluussapput, aput akulikinnerusumik sisoortalissaaq, nunalu qeriuaannartoq aakkiartuinnassaaq, ilaatigullu peerutivissinnaalluni. Svalbardimi nannut amerlaqaat, avatangiisertillu eqqorneqarnera takusinnaavaat, Norsk Klimaservicecenter ilaatigut taama allaaserisaqarpoq.

Svalbardimi 1970-ikkunnili pingasut tallimallu akornanni kiannerulersimavoq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat