Sikuiuitsup Kujalliup imartaani aatsaat taama sikuunngitsigaaq
Sikuiuitsup Kujalliup imartaani siku februaarip ulluisa 13-ianni 2287 millionit kvadratkilometeritut annertutigisoq assit takutippaat.
Sikuiuitsup Kujalliup imartaani siku kingullermik taama annikitsigimmat 1997-imi tamanna pivoq. siku taamanikkut 2290 millionit kvadratkilometeritut annertutigaluni.
Qalasersuup nalaani immap sikuata Sermersuullu ukiuni kingullerni aakkiartornerat ilisimavarput, Sikuiuitsulli Kujalliup imartaata sikua ukiuni kingullerni aatsaat aakkiartornerusalerluni.
Inuit ilaatigut pilersitaannik silap pissusiata allanngoriartornera matumani pissutaatinneqarpoq.
Aamma atuaruk Issittup silaannaa neruminnerusoq
Sikuiuitsup Kujalliup nalaani sikuunera 1979-imili uuttortarneqartarsimavoq.
Sikuiuitsullu Kujallermi pisut Nunarsuup avannaanut naleqqiullugit ingasannerunnginnerat aallaavigalugit, silap pissusiata allanngoriartorneranut qulartut pissutsit tamaani tunngavilersuutigiuartarsimavaat.
/ritzau/Reuters