Issittup silaannaa neruminnerusoq
Danmarkimi silasiorfik Danmark Meteoroligiske Institut DMI taama allaaserisaqarpoq.
Sapaatiummat februaarip ulluisa tallimaanni Station Nordimi 0,7-nik kiappoq.
Tassalu februaarip qaammataani kiannerpaaffiusimasoq 2007-mi minus 1,5-nik issinnera qaangerneqarpoq.
Kalaallit Nunaata avannarpasinnersaani Kap Morris Jesupimi febuarip qaammataani isseqarpiarsimanngilaq.
Silaannaq kissalaartoq ukiuunerata sivisunersaani issittumi supoorivoq.
Silaannaq kissartoq imarpissuarmit Svalbard aqqusaarlugu qalasersuarmut ingerlaarsimavoq.
Tamatuma kinguneraa, tunup avannaani norlumit kiannerulaarmat immallu sikua annikinnerulluni.
Tamanna nunatta avannaarsuanut annertuumik sunniuteqarpoq, immap sikua nalinginnaasumit annikinneerarsuugami.
Kiannerunera pissutigalugu immap sikua qajannarsisippaa, tunup avannaani anorlingaatsiarsimanera pissutigalugu tamaani annertoorujussuaq sikoqanngilaq.
Qaanaami eqqaanilu aamma kiannerusimavoq.
Assersuutigalugu Qaanaami eqqaanilu aalisartut piniartulllu sikumut avalannissartik aarlerigisarpaat, siku qajannartarmat saallunilu Danmarkimi silasiorfik DMI nittartakkamini taama allaaserisaqarpoq.