Siku RAL-imut ajornartorsiortitsisoq
Nioqqutissanik Kullorsuarmut sapaatit akunnerini kingullerni tikittoqarsimanngilaq. Sikoqarpallaarnera pissutigalugu umiarsuaaqqat tulassinnaaneq ajorsimapput. Taama RAL nittartakkamini allappoq.
Umiarsuaaqqami Siuana Arcticami inuttaasut sapaatit akunneri marluk matuma siorna tulanniarsimagaluarput sikoqarnerali pissutigalugu ingerlaqqiinnartariaqarsimallutik. Umiarsuaaqqap sineriak atuarlugu avannamut ingerlaarnini taamaammat nangeqqiinnarpaa ullullu marlussuit qaangiummata Kullorsuarmut uteqqilluni, nioqqutissanilli usingiaanissaq taamaatiinnartariaqarsimallugu.
Sikuunngitsunik ajornartorsiut alla
Sapaatip akunnerata naanerani kingullermi Kullorsuarmut tikinnissamik nutaamik pilersaaruteqarpoq, akunnerilli aqqaneq marluk misiliigaluareerluni RAL nakkaannartariaqaqqissimavoq. Tamatumuuna qaffiavallaarnera ajornartorsiortitsisimavoq.
RAL-ip umiarsuaaraq Siuana Arctica atorlugu Kullorsuaq, sapaatit akunneri marluk matuma siorna tikinngiinnartariaqarsimasani, 14. septembari tikeqqinniarsarissavaa. Nunaqarfimmi nioqqutissaqaqqilerniassammat RAL tikinniarluni tamaviaarpoq.
Siuana Arcticap ingerlaarnissamut pilersaaruta uani malinnaavigisinnaavat.