Sermersuup kommunalbestyrelsiani ilaasortat nutaat
Monica Dorph Qaqortumut nuuppoq, Kommuni Kujallermilu atorfittaarluni. Naja Lund aamma Kommuneqarfik Sermersuumit nuulluni Narsarsuarmi Air Greenlandimi atorfittaarpoq.
Naja Lund aamma Monica Dorph taamaalillutik kommunalbestyrelsimit pisortatigoortumik tunuarallarput.
Charlotte Ludvigsenip Naja Lund taarserpaa, Siumumiillu Ingvar Motzfeldt Monica Dorphip kommunalbestyrelsimi taartissaatut toqqarneqarpoq.
Naja Lundip ataatsimiititani ilaasortaaffii kiisalu siulersuisuni ilaasortaaffii tamaasa Charlotte Ludvigsenip tiguai. Siumummiillu Monica Dorphip ataatsimiititani siulersuisunilu ilaasortaaffii kommunalbestyrelsimi ilaasortanit assigiinngitsunik arlalinnik inuttalersorneqarput.