Sermersuarmi qaqutigoortumik takusaqartoqartoq: Sermersuarmi Summit Stationemi nanoq takuneqartoq
![](/sites/default/files/styles/image_934x467/public/2024-08/summit.png?h=63e44b25&itok=85k9nF-p)
Sermersuarmi ilisimatusarfimmi Summit Stationimi qaqutigoortumik ippassaq takusaqarput.
Kalaallit Nunaanni politiit ippassaq ualikkut tallimanut qiteqquttoq Summit Stationemit nalunaarfigineqarput nannumik takusaqartoqarneranik.
Politiini pigaartut pisortaat Jeppe Andsager taama oqaluttuarpoq.
Ilisimatusartut suliffiat Summit Station, sermersuup qeqqaniippoq tunumit 220 kilometerisut ungasitsigisumiilluni, immamiillu 3.210 meterisut qaffasitsigisumiilluni. Tamaanilu nannut nalinginnaasuunngillat.
![](/sites/default/files/styles/image_934x467/public/2024-08/summit_0.png?itok=hdngLYjl)
Nanoq ilisimatusartut sulliviannit Summit Stationimit 600 meterisut ungasitsigisumiittoq takuneqarpoq, nanorlu eqqissiivillu ingerlaqqissimalluni
Taamaattumik ilisimatusartut ulorianartorsiortinneqarsimanngillat.
Nannut sermersuarmi takuneqartartut qaqutigoortorujussupput.
Ilisimatusartut sullivianni Summit Stationemi siullermik nannumik takusaqartoqarpoq, 2018-mi, taamanikkut nanoq ilisimatusartut sulliviannit qimaatinniarneqarsimagaluarpoq, iluatsinngimmalli aallaaneqarluni.