Sermersuup Qeqertarsuatsiaat pitsanngorsaavigaa
Ataatsimeeqatigiinnermi Qeqertarsuatsiaani sanaartugassat ilaatigut atuarfiup eqaasaartarfiata allineqarnissaa oqaluuserineqarpoq.
Qeqertarsuatsiaani nunaqarfimmi aqutsisut siulittaasuat Jonathan Jacobsen aamma Kommuneqarfik Sermersuup borgmesteria Asii Chemnitz Narup ataatsimeeqatigiipput.
Ataatsimeeqatigiinnermi Qeqertarsuatsiaani sanaartugassat ilaatigut atuarfiup eqaasaartarfiata allineqarnissaa oqaluuserineqarpoq.
Aamma atuaruk Rubinisiorfik laboratoriami sulisussanut aqqutissiuivoq
Borgmesterip nunaqarfimmi aqutsisut siulittaasuat Jonathan Jacobsen oqaluttuupppaa, Atuarfiup eqaarsaartarfia allineqassasoq, biilinut inissiivik nutaaq sananeqassasoq aamma kommuneqarfiup immikkoortortaqarfia tamakkiissumik nutarterneqarlunilu allineqassasoq, taakualu sanaartorneqarneri 11,5 million kr-nik akeqassasut.
Aningaasat 11,5 million kr-nit Kommuneqarfik Sermersuup nunaqarfiit ataasiakkaarlugit suliniutit katersornissaannut iliuusissat ilagiivaat.
- Taamaalilluni aningaasat atorluarneqarnissaat pitsaanerpaassammat, kommune isumaqarpoq.
Nunaqarfimmi aqutsisut rubinimillu piaaffiup suleqatigiinnerat aamma oqaluuserineqarpoq.
Suleqatigiinnissamik IBA-mik taasaq pillugu isumaqatigiissutip nunaqarfinnut iluaqutissartaa, taannalu True North Gems Greenlandip, Kommuneqarfik Sermersuup, aamma Namminersornerusut ukioq kingulleq isumaqatigiissutigisaat ataatsimiinnermi sammineqarpoq.
Isumaqatigiissut taanna kalaallinik sulisoqarnissammik qulakkeerinnittuusoq, Borgmester Asii Chemnitz Narup oqarpoq.
IBA-mik isumaqatigiissut inuttut, aningaasaqarnikkut, aamma avatangiisitigut piujuaannartitsisumik piaaffeqarnermi suliaqarnissamik qulakkeerinnittuuvoq, borgmesteri oqarpoq, - ataqatigiissaarisut akuttunngitsunik ataatsimiittarput, ilaatigut isumaqatigiissutip eqqortinniarneranut imminnut piumaffigeqatigiinnissaq pillugu, Borgmester Asii Chemnitz Narup oqarpoq
Nunaqarfimmi aqutsisut siulittaasuat Jonathan Jacobsen aamma nunaqarfimmi aqutsisut sinneri nersualaarneqarput, politikkikkut sulinermi nunaqarfiup ineriartortinnissaannut kajumissuseqarluarlutik sulinerat pillugu
Borgmester Asii Chemnitz Narup ataasingorpat maajip ulluisa qulingiluaanni Kapisilinnut tikeraassaaq.