Segboardit qaartut
Segboardit qaarsinnaallutillu ikuallalersinnaapput .
Amerikami angerlarsimaffiit ilaanni segboardi pissutaalluni ikuallattoqarsimavoq. Segboardit ilaat qaartoorsinnaasarput, batteerii kissattoorsinnaasarmata.
Segboardit ilaat ikuallatsitsinnaannerat pissutigalugu 500.000-it utertinnissaat amerikami pisortanit piumasarineqartoq, ingeniøren.dk allaaserisaqarpoq.
Danmarkimi Sullisvinnik Nakkutilliisoqarfiup segboardit modellit pingasut misissorsimavaat, taakkunanilu marluk utertinneqarnissaat kaammattuutigineqarpoq. Nioqqutissanilli eqquissuisut segboardit tuniniakkatik ulorianarnersut naliligassaraat.
Segboard ataaseq akikinnerpaaq 2000 koruunit missaannik akeqartartoq, akunnermut 15-25 kilomiiterit ingerlaarsinnaasarpaat.
Nunatsinni segboardit qaartorsimaneri ikuallassimaneriluunniit pillugit nalunaartoqarnikuunngilaq, Segboardilli angallaffiunngitsuni taamaallaat atorneqarsinnaasut politiinit nalunaarutigineqarnikuuvoq.
Aamma atuaruk Segboardit inerteqqutaalersut
Aamma atuaruk Bussertitsisoq: Segboardertoq apungajappara