Segboardit inerteqqutaalersut

Nunatsinni aqqusinerni tamanut ammasuni Segboarderneq inerteqqutigineqalerpoq. Danmarkimi angallannermi aqutsisoqarfik oqaloqatigereerlugu politiit tamanna erseqqissaatigaat.

Allattoq Inge S. Rasmussen

juunip 03-at 2016 15:45

Nutserisoq Erna Lynge

Tappavanngaanniit nalunaarutigineqarpoq angallatit marlunnik assakaasullit nuannarineqaqisut taamaallaat ingerlaarfissiani matoqqasuni atorneqaqqusaasut.

Segboardit knallertinut assigusutut nalilerneqartaraluarlutik knallertinut piumasaqaatigineqartunut naleqqiussassaanngillat. Tamatuma kinguneraa segboardit assigisaallu aqqusinerni angallannermut inatsit atuuffiini atorneqaqqusaajunnaarnerat, Nunatta politiivini unnerluussissuutitaasoq Liselotte Bøhm nassuiaavoq.

Aamma atuaruk VIDEO Teknologii nutaaq atorlugu pitsorluttut ingerlasinnaalerput

Taassuma erseqqissarpaa inatsimmi aqqusinerni tamanut ammasuni segboard inerteqqutaammat. Inatsisilli siunertarigaa angallattut allat illersorneqarnissaat aammali segboardinik aquttut tassaangajuttut meeqqat inuusuttullu illersorneqarnissaat.

- Biilinik ingerlatsisup segboardertoq pisuinnarmut paarlaattooraluarlugu naatsorsuutigisamit sukkanerusumik ingerlariataaraluarpat ajorluinnartumik kinguneqarsinnaasoq, Liselotte Bøhm oqarpoq.