Scooterit amerlasuut immaqa inatsisinik unioqqutitsipput – immaqa peqarputit

Kalaallit Nunaata Politiivisa uparuarpaat Kalaalit Nunaanni scooterit amerlasuut inatsisinik unioqqutitsimmata, kaammattuillutillu peqartut tamarmik piminnik miisissueqqullugit.
Kalaallit Nunaanni scooterit amerlasuut inatsisinik unioqqutitsipput. Politiit malugeqquaat scootereqarnermi knallertinut malittarisassat malinneqassammata. Assi © : KNR / Malik Brøns
Allattoq Nicole Sander Bertelsen
oktobarip 19-at 2024 10:40
Nutserisoq Per Rosing

Scooterit tutisartakkamik bremseqarpa? Taamaanngippat ilimanarluinnartumiik scootereqarputit inatsisinik unioqqutitsisumik.

Kalaallit Nunaata Politiiivi tusagassiuutinut nalunaarummi taama allapput.

Inatsisinik unioqqutitsisumik scootereruit akiliisinneqarsinnaavutit scooterillæu arsaarinnissutigineqarluni, politiit allapput.

Inatsit aamma knallertinut atuuttoq

Qularnaarilluarumallutik pilitiit Danmarkimi Færdselsstyrelsenimut (Angallannermi Aqutsisoqarfimmut) saaffiginnipput, taakkulu nalunaarput scooterernermi knallertinut  malittarisassat aamma atuuttut. 

Malittarisassallu taakku Kalaallit Nunaanni knallertit atortui pillugit saqqummiussami 1979-imeersumi takuneqarsinnaapput.

Malittarisassani qanoq allassimasoqarpa?

Knallertit – taamalu aamma scooterit ukuninnga atortoqassapput:

  • Ingerlanermi bremsi qanorluunniit sukkatigigaluaraanni oqimaatsigisunilluunniit nassataqaraluaraanni isumannaatsumik, sukkasuumik sunniuteqarluartumillu bremsersinnaasoq.
     
  • Ingerlanermi bremse avinneqarsimassaaq, assakaasup tunorliup bremsia tutisartakkakkut atuussinnaassaaq assakaasullu saarliup bremsia aquutip talerpiata tungaani eqinneqarsinnaassalluni. Ingerlanermi bremsip sunniunnera assakaasullip takissusaanut naleqqiullugu illuttut assigiissaaq.

Tigusiffik: Kalaallit NUnaata Politiivisa tusagassiuutinut nalunaarutaa.

Scooterivit malittarisassat naammassisimappatigit politiit eqqaamaqquaat ingerlatillutit styrthjelmeqarutaannassagavit sukanneqarsinnaasumik akisussaanermullu sillimmateqarlutit.

Scooterit nal.ak.-nut 30 km-init sukkanerusumik ingerlasinnaaguni motorcykelitut isigineqassaaq, taaamalu qanorluunniit ikkaluarpat inatsisinik unioqqutitsissalluni.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk

Inuit 87-init ikinnerunngitsut toqutaasimanngikkunik maqaasineqartut

Nannut inatsisartuni maanna oqallisaalerput. Nannuttassiissutit amerlineqarnissaat maanna kissaatigineqarpoq

Angut 100 gram hashimik 33 gram kokainimillu eqqusseriaraluartutut tigusarineqarpoq