Angut 100 gram hashimik 33 gram kokainimillu eqqusseriaraluartutut tigusarineqarpoq
Sisamanngormat angut 30-t sinnerlugit ukiulik Kangerlussuarmut aqqusaaartoq tigusarineqarpoq.
Angut 30-it sinnerlugit ukiulik Kangerlussuarmi akitsuuserisunit oktobarip 17-iani unitsinneqarpoq. Angutip timaata scannerneratigut angut hashimik kokainimillu, katillugit 133 grammimik ilumini toqqorsimasuutitaqartoq paasineqartoq, Kalaallit Nunaanni Politiit pigaartuisa pisortaat Carl Sværd ilisimatitsivoq.
Angut taamaattumik Eqqartuussisoqarfik Sermersuumi ippassaq sassartinneqarpoq. Angut eqqartuunneqarpoq, ukioq ataaseq qaammatinilu pingasuni pineqaatissinneqarsimasunut inissiisarfimmiittussanngortinneqarluni.
Kokain, amfetamin LSD-lu eqquteriarneqartarneri akulikillisut
Carl Sværdip oqaasii naapertorlugit ukiualuit qaangiummata qaqutikkut ikiaroornartunik anngiortumik eqqussuinermut eqqunneqariartarneri naammattoortarlugit oqarpoq.
- siusinnerusukkut hashi eqqunneqariartartoq, massakkulli kokain LSD amfetaminilu takussaaleriartuaartut, politiit pigaartuisa pisortaat oqarpoq.
Eqqartuunneqartoq pineqaatissinneqarnerannut tunngasut allakkiat piareernissaata tungaanut tigummigallaavoq.
