Savalimmiormiut suiaqatiminoortut katissinnaalissapput - oqaluffimmiunngitsorli
Savalimmiuni politikkerit anguteqatiminnoortut arnaqatiminnoortullu pisortanit katitsinneqarsinnaanissaannut siunnersuut siullermeerlugu unnuaq sivisuumik oqallisigaat. Lagtingimilu ilaasortat 19-it siunnersuummut akuersipput, 14-illu itigartitsillutik.
Allattoq Ritzau
apriilip 27-at 2016 10:31
Nutserisoq Ivik Kristiansen
Savalimmiormiut aviisianni Dimmalætingimi aaqqissuisuuneq Georg L. Petersen Ritzauimut taama nalunaaruteqarpoq.
Siunnersuut akuerineqarpoq, anguteqatiminnoortut arnaqatiminnoortullu oqaluffimmi katissinnaanissaannut siunnersuut ilanngutinneqanngimmat.
- Oqaluffik siunnersuummi ilanngutinneqanngilaq, ilanngutinneqarsimasuuppammi partiit upperisamik sammisallit akuersitinneqarsinnaassanngikkaluarmata, Georg L. Petersen oqarpoq.
Siunnersuut tallimanngorpat naggammik oqaluuserineqassaaq, atuutilerneqassasorlu ilimagineqarpoq.
Aamma atuaruk Suiaqatiminoortut pisortani katissinnaalernissaat Savalimmiuni itigarteqqikkaat
