Savalimmiormiut lagmandiat Aksel V. Johannesen

Savalimmiut Danmarkilu nunanut allanut politikki pillugu nutaamik isumaqatigiissuteqalersut

Savalimmiut nunanut allanut politikkikkut isumaqatigiinniarnissamut amerlanerusunik pisinnaatitaaffilerneqassapput, Savalimmiuni lagmandip ministeriunerullu isumaqatigiissutaat taama oqaasertaqarpoq.

Sermitsiaq.AG Savalimmiunilu Nutaarsiassaqartitsivik taama allaaserisaqarput.

Savalimmiut nunanut allanut politikkikkut pisinnaatitaaffeqarnerulernissaannut qanoq iliortoqarsinnaaneranik misissuisussamik suleqatigiissitaliortoqarnissaa Lagmand Aksel V. Johannesenip ministeriunerullu Lars Løkke Rasmussenip Københavnimi sapaatit akunneranni uani ataatsimiinneranni isumaqatigiissutigineqarpoq.

AAMMA ATUARUK Savalimmiormiut nunanut allanut ministeriata Danmark tupaallaatigigaa

Savalimmiuni naalakkersuisut nunanut allanut politikkikkut suliani killilersugaannginnerullutik iliuuseqarsinnaasariaqarnerat ukiuni arlalinni ujartorneqarpoq.

Danmark Savalimmiullu kingullermik aaqqiagiinngissuteqarput decembarip qaammataani, Savalimmiormiut nunanut allanut tunngasunut naalakkersuisuat, Poul Michelsen,  Københavnimi ataatsimeersuarnermut peqataanngitsoormat.

Islandip, Savalimmiut Nunattalu isumaqatigiissutaata Danmarkimit atorunnaarsinneqarnerata akerlerineqarnera pissutigalugu taama pisoqarpoq. Savalimmiormiut oqartussaaffinni Danmarkimit tiguneqarsimasuni nammineq aalajangiisinnaassuseqarnerunissartik kissaatigaat.

AAMMA ATUARUK Savalimmiuni naalakkersuisoq issittoq pillugu ataatsimiinnermut takkutinngitsoq

- Taakkununnga tunngatillugu nunanut allanut politikkikkut tamakkiisumik pisinnaatitaaffeqarnissarput kissaatigaarput, taamaalilluta Savalimmiut sinnerlugit aalisarneq, niuerneq allallu pillugit isumaqatigiissusiorsinnaanngussagatta. Uagut nammineerluta soqutigisatsinnik sulissuteqarnissamut pitsaanerunerput qularutissaanngilaq, Aksel V. Johannesen taama oqarpoq.

Savalimmiut Danmarkillu isumaqatigiissutissaannut missiungiut aasamut naammassineqareersimassaaq.

AAMMA ATUARUK Savalimmiut nunanut allanut politikkikkut pissaaneqarnerulerlik

 

Isummersuutit





Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat