Suleqatigiissitsisut Savalimmiunisulli ammasuunissamut inatsiseqartariaqarpugut
Naalakkersuisut Inatsisartullu atorfimminnut atatillugu akileraarutinik atuinerannut atatillugu ilanngussat takuneqarsinnaasariaqartut, Suleqatigiissitsisut siunnersuutigaat, ilassinninnermut atatillugu, angalanermullu atatillugu ilanngussat tamarmik qarasaasiami tamanit takuneqarsinnaasariaqartut siunnersuutigalugu. Tillie Martinussen tusagassiutinut nalunaarummi taama ilaatigut allaaserisaqarpoq.
- Salloqittaasoqassanngilaq, isertugaqartoqassanngilaq, pinaveersaartitsissaaq, paasiuminassaaq aamma toqqissisimaneq pilersinneqassaaq, Tillie Martinussen oqarpoq.
AAMMA ATUARUK Kortimik atuisarnerup sinaakkusersorneqarnissaa isumaliutigineqarsinnaasoq
Ammasuunissaq pillugu inatsimmik, soorlu Savalimmiuni taamaattoqartoq, Suleqatigiissitsisut Inatsisartut upernaakkut ataatsimiinnissaanni siunnersuutiginiarpaat, taamaalisoqaqqinnginnissaa siunertarineqarluni.
- Innuttaasut tatiginninnerannut naapertuilluartuliornermullu isumaannik ammut noqitsisut pinngitsoortittalerumallugit, Tillie Martinussen oqarpoq, nangillunilu:
- Soorunami politikeritta suliatik ingerlassiinnaasariaqarpaat nunatsinnullu sinniisuullutik. Taamaakkaluartorli tatigisaalluni atorfeqartitaagaanni pitsaasumik naliliisinnaassuseqarluni takutittariaqarpoq, akileraarutit akiligaannik ajunngitsorsiat pineqartillugit, Suleqatigiissitsisut naggasiillutik oqarput.
AAMMA ATUARUK Demokraatit benzinasiniutissamut suliamut nalunaarusiaq utaqqimaarniaraat