Savalimmiuni suiaqatinoortut pisortani katissinnaalissagunartut

Suiaqatinoortut Savalimmiuni pisortani katissinnaanngulerunarput. Nittartagaq Sermitsiaq.AG taama allaaserisaqarpoq.
Asseq toqqorsivimmit
Allattoq Helle Nørrelund Sørensen
marsip 01-at 2017 07:26
Nutserisoq Simon Uldum -

Savalimmiuni pinerluttulerinermi inatsisip allanngortinnissaanut, suiaqatinoortut Savalimmiuni katissinnaanissaannik imaqartumut, Folketingimi partiit oqaaseqartartuisa tapersiinerisa kingorna tamanna paasinarsivoq.

Savalimmiuni Lagtingip siorna apriilimi aalajangernera Folketingip taamaalilluni malippaa, suiaqatinoortummi katissinnaalernissaannik taamani siunnersuutigineqartoq amerlanerussuteqartunit, ilaasortanit 19-init akuerineqarpoq, 14-inillu itigartitsissutigineqarluni.

Siunnersuut inaarutaasumik akuersissutigineqassappat, suiaqatinoortut pisortani katissinnaanngussapput, oqaluffimmili katissinnaassanngillat. Lagtingimi amerlanerussuteqartut akuersinnissaat anguniarlugu taama naaperiuteqartoqarsimavoq.

Inatsisip allanngortinneratigut ukiuni 30-ngajanni oqallinneq naggaserneqassasoq, Folketingimi ilaasortaq savalimmiormiu, Sjúrður Skaale, nittartakkamut Sermitsiaq.AG-mut taama oqarpoq.

- Isuma allanngorsimavoq - inatsisip allanngortinnissaa piffissanngorpoq. Oqartussaaqatigiinneq taamaalilluni kusanarnerpaamik takutinneqarpoq.

Siunnersuut inaarutaasumik akuersissutigineqartinnagu Folketingimi marloriarlugu oqaluuserineqaqqassaaaq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk