Savalimmiuni lagmandiusimasoq Anfinn Kallsberg toqusoq
Savalimmiuni naalakkersuisunut siulittaasuusimasoq Anfinn Kallsberg 76-inik ukioqarluni toquvoq.
Naalagaaffiup Savalimmiuni sinniisua ataasinngornermi taama ilisimatitsivoq.
Anfinn Kallsberg Savalimmiuni naalakkersuisunut siulittaasuunermi nalaani taamanikkut ministeriuneq Poul Nyrup Rasmussen suleqatigalugulu sakkortuumik ilaatigut isornartorsiortarpaa.
Savalimmiut namminiilivittunngornissaa pillugu 1999-imit siumullu sivisuumik isumaqatigiinniartoqarnerani tamanna paasinarsivoq. Anfinn Kallsberg Savalimmiuni naalakkersuisunut taamanikkut siulittaasuuvoq. Savalimmiormiut nammineernerulernissaat Kallsbergip taamanikkut sukataarutigivaa.
Isumatigiinniarnerilli unittooqqalerput.
Savalimmiut naalagaaffinngornissaa pillugu innuttaasut 2001-imi taasitinneqarnisssaat Kallsbergip sulissutigigaluarpaa, taasititsinissarli taamaatiinnartariaqarlugu.
Savalimmiulli 2005-imi namminiilerput, Anfinn Kallsbergilu Folketingimut taamanikkut aamma ilaasortanngorluni. Kallsberg Folketingimut 2007-p tungaanut ilaasortaavoq, kingornali qinigaaqqinnani.
Kallsberg politikkikkut 2011-mi suliunnaarpoq.