Savalimmiormiut Islandip imartaani aalisaqqusaajunnaartut
Tamatuma kingunerisaanik Savalimmiuni aalisanermut naalakkersuisup Island pisuutippaa isumaqatigiissumik atuuttummik atorunnaarsitsisoq.
Islandimi Aalisarnermut Ministerinngoqqammersup Kristján Þór Júlíussonip Savalimmiormiut kilisaataasa Islandip imartaani aalisarsinnaanerannut akuersissutai tamaasa piaartumik atorunnarsippai.
Savalimmiuni nutaarsiassaqartitsivik taama allaaserisaqartoq aviisi Sermitsiaq.AG allappoq.
Savalimmiormiut Islandimiullu ukioq 2018-imi aalisarnermut isumaqatigiissummik nutaamik isumaqatigiissuteqanngitsoormata Aalisarsinnaanermut akuersissutit atorunnaarsinneqarnerannut pissutaaavoq.
Islandip aalisakkat ikerinnarsiortut pillugu isumaqatigiissut atorunnaarsissimagaa Savalimmiunit pasilliutigineqarnerata kingorna, nutaamik isumaqatigiissusiornissaq ajornaannerulinngilaq. Aalisakkanut allanut sanilliullugu taanna isumaqatigiissut apriilip 30-at 2018 tungaanut atuuttussaavoq.
Nunat taakku marluk isumaqatiginniarnerat kingulleq Thorshavnimi decembarip ulluisa 13-anni pivoq.
Isumaqatiginninniarnerit qaqugu aallarteqqinnissaat suli nalunaarutigineqanngitsoq, Savalimmiormiut nutaarsiassaqartitsiviat taama allappoq.
