Savalimmiormiut aalisariutaanni inuttat marluk maqaasineqartut

Nutarterneqarpoq nalunaaqutaq: 12:08: Kambur maanna kivisimasoq Maritime Danmark allappoq.

Savalimmiormiut aalisariutaat ullumi siusinnerusukkut malerujussuarmit eqqugaanerata kingorna inuttat marluk maqaasineqarput.

Suderoyip kujataani 17 sømilimik ungasitsigisumi tamanna pisoq, tusagassiorfik, Maritime Danmark allaaserisaqarpoq.

Suderoy Savalimmiuni qeqertat kujasinnerpaartaraat.

Inuttanit 14-it qimagutitinneqarput, marlullu maqaasineqarlutik.

Inuttat savalimmiuni umiarsuup silapilunnerani malerujussuarmit eqqugaanerata kingorna oqartussanut savalimmiuni nalunaaqutaq arfininngunngitsiartoq kalerriuteqarput.

Qulimiguulik umiarsuarlu annaassiniartartut Suderoyip kujataanut erngertumik aallartinneqarput. Qulimiguullip inuttat siullermik 13-iusut qimagutitippai nunamukaallugillu.

Qulimiguulik tamatuma kingorna uteqqippoq, inuttarlu ataaseq aamma annaallugu.

Umiarsuaq Kambur uersimavoq kivinissamullu aarlerinartorsiorluni.

Savalimmiormiut kilisaataataat arlallit umiarsuup qanittuaniipput, angallallu alapernaarsuut sumiiffimmut kingulliulluni apuulluni.