Saudi-Arabiami oqaloqatigiinnerit ajornakusooraluarlutik angusaqarfiunissaat Ukrainep naatsorsuutigaa
Ukrainemi sorsunnermi eqqisseqatigiittoqarnissaa pillugu Saudi-Arabiami sapaatit akunnerata naanerani ataatsimiittoqarpoq.
Ataatsimiinnerup aporfeqarsinnaanera Ukrainep ilimagaa, eqqisseqatiigiittoqarsinnaanermulli isumaqatigiinniutissatut siunnersuutimi nunat arlallit tapersersorsinnaassagaat Ukrainep naatsorsuutigaa.
Ukrainep præsidentiata Volodymyr Zelenskyj-p allattoqarfiata pisortaa Andrij Jermak, ataatsimiinnermi peqataasoq taama oqarpoq.
- Oqaloqatigiinnerit ajornakusoornissaat naatsorsuutigaara, angusaqarusulluarpugut, taanna oqarasuaatikkut tallimanngornermi oqaloqatigineqarnermi oqarpoq.
Rusland Saudi-Arabiami ataatsimiinnermut peqataanissamut aggersarneqarsimanngilaq, Ruslandimili naalakkersuisut ataatsimiinneq alaatsinaanniaraa Ruslandimi naalakkersuisut oqaatigaat.
Ukrainemi sorsuttoqarallartillugu Ukrainep Ruslandillu akornanni eqqisseqatigiittoqarnissaanut toqqaannartumik isumaqatigiinniartoqarsinnaanissaa ilimanaateqarpallaanngitsoq, ukrainemiut, russit nunallu tamalaat atorfilittaasa oqaatigaat. Ukrainemimi nunap immikkoortui Ruslandimit maannamut tiguarneqarsimasut utertinneqarnissaat Ukrainep sukataarutigileruttorpaa.
