SAS Nuup Københavnillu akornanni timmisartuussisalerniartoq

Skandinaviamiut timmisartuutileqatigiiffiat SAS Danmarkip Kalaallit Nunaatalu akornanni ukiuni 16-ini timmisartuussisanngeriarluni timmisartuussisaleqqittussanngorpoq.
Air Greenland Nuup Københavnillu akornanni timmisartuussisarnermi unammillerteqalertussanngorpoq, SAS-imi aasaanerani juunimit timmisartuussisalerniarpoq. Assi © : SAS AB
Allattoq Helle Nørrelund Sørensen
oktobarip 24-at 2024 10:27
Nutserisoq Mads Lynge

Timmisartuutileqatigiiffik alla Nuummut Nuummiillu aqqutissamik ammaanialerpoq.

Nunammi avannarliit timmisartuutileqatigiiffiat SAS Københavnimit Nuummut uterlugulu aqqummik aappaagu aasaanerani juunip ulluisa 27-annit ammaassaaq.

SAS tusagassiorfinnut nalunaarummi taama allappoq.

- Kalaallit Nunaata Skandinaviap nunallu allat akornanni aqqutissat Sky Team-alliance peqatigalugu pitsanngorsarniarneqarnerat nuannaarutigaarput, SAS-ip pisortaanera Anko van der Werff oqarpoq.

Nuummiit Nuummullu ataasinngoornermi, pingasunngornermi tallimanngornermilu timmisartuussisoqartalissaaq.

Timmisartuutileqatigiiffiit Nuummiit Københavnimut timmisartuussisartussat taamaalillutik marlunngussapput, tassaasut Air Greenland SAS-ilu.

SAS Danmarkip nunattalu akornanni timmisartuussisareerluni 2009-mi timmisartuussisarunnaarpoq.

SAS-illi nunatsinnut nunatsinniillu aqqummik ammaaniarnera oqartussanit akuersissutigineqaqqaartussaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk

Told

Politiit ullormut nalunaarutaat: Timmisartorsuaq Danmarkimiit nunatsinnut ippassaq missimalersoq arnat marluk katillugit 4,4 kg. hashimik nassartut tigusarineqarput.

Aima Jensenimut alloriaqqinneq tassaasinnavoq Siriuspatruljen

Ullumi Georgienimiut qinersippata EU imaluunniit russit peqatigissaneraat paasinarsissaaq.