Sara Olsvigip kiserliornissani takorluunngilaa

Atlantikup avannaani suleqatigiit ingerlaannarnissaanik Folketingemilu sunniuteqarnerunissaa pillugu nunatsinni Folketingemi qineqqusaarnermi IA-p kisiartaalluni qineqqusaarutigaa.  Atlantikup avannaani suleqatigiit allatut ilusilerlugu  allatulluunniit taaguutilerlugu ingerlaneqqinnissaa missisorneqarpoq.

Savalimmiormiut  Folketingemut qinigaatitaat Sjurdur Skaale Danmarkimi  Socialdemokraatinik suleqateqassaaq.

- Sjurdur Skaalep Atlantikup avannaani suleqateqatigiinni suleqataasinnaanera pillugu oqaloqatigineqareerpat, Socialistik Folkeparti oqaloqatigineqassapput, Inuit Ataqatigiit sinnerlugit qinigaasoq oqarpoq.

Sara Olsvigip erseqqissarpaa pittuttuisumik  partiimik ataatsimik isumaqatigissuteqarnissaa pineqanngitsoq, kisiannili suleqateqarnissaq qulakkerniarneqarluni.

SF aamma  Inuit Ataqatigiit ukiuni kingullerni suleqatigiipput, kisianni pituttuisuunngitsumik suleqatigiinnissaq IA-mit pingaartinneqarpoq,  aammalu partiinik allanik suleqateqarnissaq misissorneqarluni.

Atlantikup avannaani suleqatigiit  atorunnaassagaluarpata, Folketingemi suleqatissarsinissaq ujartorneqassaaq.

Sara Olsvigip qularutiginngilaa suleqatissarsiumaarluni. Sara Olsvig folketingemut qinersinermi 8.129-nit qinerneqarpoq,  Siumukkut qinigassanngortitaasa qinersisaasa amerlaqataanik qinerneqarpoq,  Atassutikkut Demokraatillu qinigassanngortitaasa qinersisaasa  katinnerisa amerlaqataannik qinerneqarluni.

- Tupinnaqaaq - tupannaqaaq - nuannerlunilu - Sara Olsvig oqarpoq, piareersarluarisimaneq qinersisartunit malugineqarsimasoq misigivara, Sara Olsvig nuannaaqisoq oqarpoq.