Pinasuartumik pisoqarnerani imaluunniit allatigut peqqinnissaqarfimmit pisariaqartitsisoqarneratgitu Saqqami innuttaasut Ilulissani napparsimmavimmit siunnersorneqarlutillu ilitsersorneqarsinnaapput. Peqqinnissaqarfik KNR-imut akissuteqarluni allappoq.Assi: Katrine Kruse/KNR

Saqqaq peqqinnissamik sullissisumik amigaateqarmat peqqinnissaqarfik matusariaqartoq

Nunatta avannaani nunaqarfimmi 150-inik innuttaasoqartumi peqqinnissamik sullissisumik amigaateqartoqarpoq, sulisussarsiniarnerlu ajornakusoorluni. Taamaammat nunaqarfiup qanittuanit nunaqarfimmit sapaatip akunneranut arlaleriarluni ikiuiartortoqartarpoq.

Saqqami innuttaasut peqqinnissamik sullissisup matuanut kasuttoraangami matumik ammaasoqarneq ajorpoq.

Nunaqarfiummi peqqinnissamik suliaqartoq atorfimminit soraarpoq, tassungalu suli paarlatsissarsisoqarani. Taamaammat peqqissaavik qaammati una matoqqavoq.

Peqqinnissaqarfik aaqqiissutaagallartussamik nassaarpoq.

Nunaqarfimmit Qeqertamit peqqissaasulerisoq nakorsaatileriartortumik nunaqarfiullu innuttaasuinut nakorsaatinik tunniussiartortumik Saqqumukartoqartassaaq.

Pinasuartumik pisoqarnerani imaluunniit allatigut peqqinnissaqarfimmit pisariaqartitsisoqarneratgitu Saqqami innuttaasut Ilulissani napparsimmavimmit siunnersorneqarlutillu ilitsersorneqarsinnaapput. Peqqinnissaqarfik KNR-imut akissuteqarluni allappoq.

- Peqqinnisaqarfik Saqqami peqqinnissamik suliaqartussamik nutaamik ilungersorluni atorfinitsitsiniaraluarpoq. Atorfiup innuttassarsiuunneqarnera sumiiffinni arlalinni saqqummiunneqarpoq, ilaatigut ukunani, gjob, suli.gl aamma jobnet, atorfimmulli ajoraluartumik suli qinnuteqartoqanngilaq.

- Aamma Saqqami innuttaasut akornanni peqqinnissaqamik suliaqartussamik atorfinitsitsiniartoqaraluarpoq, nunaqarfimmili atorfimmut tassunga soqutiginnittoqarani.

Peqqinnissaqarfik ataavartumik aaqqiissuteqarniarsarivoq, atorfinitsitsiniarnerulli unammillarnera pissutigalugu nunaqarfimmi Saqqami nakorsiartarfik qaqugu nalinginnaasumik ammaqqissinnaanersoq suli oqaatigineqarsinnaanngitsoq, peqqinnissaqarfik allappoq.

Nunaqarfimmiut ernumasut

Saqqami innuttaasut 150-it missaanniipput.

Nunaqarfiup siulersuisuinut siulittaasup, Ole Zeebip pinasuartumik pisoqarnerani susoqassanera naluneqarmat inuit ernumapput. Saqqamiimmi Ilulissanut nunaqarfiup atassuteqarfigisaanut ungasippoq.

- Soorunami taanna ullut marluk Qeqertamiit aggertoqartarnera periarfissatuaq ajunngikkaluarpoq. Kisianni sunaluunniit pisussaq oqaqqaarani pisarpoq. Taamaattumik ernumanarpoq inoqanngeriataarnerata nalaani qanoq pisoqariataartoqartarmat, Ole Zeeb KNR-imut oqarpoq.

 - Ukioq naanngittoq neriunaraluarpoq ammaqqinnissaa sulisoqalernissaalu.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat