Sapaatip akunneranik pujortanngiffeqarnissaq Enoksenip siunnersuutigaa
Sapaatip akunnera 15 tassaasariaqaraluarpoq sapaatip akunnera pujortanngiffik, inatsisartuni ilaasortaq Hans Enoksen oqartussaasuuppat
Taamaammat inatsisartut ukiaanerani katersornissaannut siunnersuuteqarpoq sapaatip akunnera 18 imigassartornaversaarnermut eqqaanartumik sapaatip akunnera pujortarnaversaarfik atuutilertariaqartoq.
- Ajuusaarnarluinnarpoq meeqqat, inuusuttunnguit minnerunngitsumillu inersimasut assorujussuaq pujortarnermik atuinerat. Taamatut inersimasuusugut meerartatsinnut inuusuttortatsinnut isigitsitsinerput maligassiuinerunngilluinnarpoq, Hans Enoksen siunnersuumminut tunngavilersuummi allappoq.
Hans Enoksenip neriuutigaa sapaatip akunnerani pujortarnaversaartalernikkut siunissaq ungasinnerusoq eqqarsaatigalugu pujortartartut ikiliartorsinnaasut.