Sapaammi immiaaqqat tunisaaleqquai

Siumumeersoq Malik Berthelsen siunnersuuteqarpoq imigassat pisiniarfinni nioqqutaaenerat sapaatip akunnerata ulluini tamani unnukkut qulingiluat tungaanut ammasassasoq.

- Sooq sapaammi nerilluarsaatissamii pisiniarfinni viinnissisinnaanngilagut ajornaquteqanngitsumik imerniartarfinni neriniartarfinnilu pisiarisinnaallugit, taama ammassumik aperivoq Malik Berthelsen siunnersuumminut atatillugu.

Taamatut Malik Berthelsenip Inatsisartut upernaajunerani katersornerannut siunnersuuteqarnermi anguniarneqanngilaq imigassamik atuinerup qaffannissaa.

Siunnersuut aqqutigalugu allanngortinniarneqarpoq imigassat nalunaaqutaq arfinernut matulerneranni pisiniuttarnerujussuaq.

- Siunnersuutaavoq imigassap putumaniutaannartut ilaatigut isigineqartarnerata annikillisinnissaanut aqqutaasinnaasutut isumaqarfigigakku, Malik Berthelsen siunnersuummini allappoq.

Ullumikkut pisiniarfiit imigassamik nioqquteqartarput ulluinnarni nalunaaqutaq 09.00-miit nalunaaqutaq 18.00-ip tungaanut arfininngornikkullu nalunaaqutaq 09.00-miit nalunaaqutaq 13.00-ip tungaanut. Sapaammi nalliuttunilu pisiniarfinni imigassaq matoqqasarpoq.

Malik Berthelsenip siunnersuutigaa pisiniarfinni imigassamik nioqquteqartarneq sivitsorneqassasoq sapaatip akunnerata ulluini tamani unnukkut qulingiluat tungaanut pisartussanngorlugu.

Malik Berthelsen naliliivoq siunnersuut imerniartarfinnut annerusumik kinguneqarnavianngitsoq.

- Imerniartarfiliakaasarneq naliginnaaneruvoq matunissaanut nalunaaquttap akunnera ataasiinnanngorat marlunngoraangataluunniit, Malik Berthelsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat