Tusagassiuutit: Sakkutuut Immikkut sungiusakkat NATO-meersut Ukrainemiikkunartut allagaatini isertuussani erserpoq

Sakkutuut immikkut sungiusakkat nunani assigiinngitsuni illersoqatigiit NATO-meersut Ukrainemiissorineqarput.

Tamanna takussutissani isertuussaalluinnartuni amerikamiut naalagaaffianneersuni siammarterneqarsimasunilu erserpoq.

Taama oqaluttuarput, Tuluit Nunaanni tusagassiorfiiit BBC, Sky News aamma The Guardian.

Takussutissat marsip ulluisa 23-anni ukiormanna ullulerneqarsimasut siammartinneqarsimasullu aviisit allaaserisaminni innersuussutigaat.

Sakkutuut immikkut sungiusakkat illersoqatigiit NATO-meersut 97-it Ukrainemiittut takussutissani amerikamiut sakutooqarfianneersuni erserpoq.

Sakkutuut immikkut sungiusakkat amerlanerit Tuluit Nunaanneersuupput, takussutissallu saqqummiunneqartut naapertorlugit 50-it Ukrainemiipput. Sinneri Letlandimit taakkua 17-iullutik, Frankrigimit 15-it, USA-mit 14-it Hollandiminngaaneersorlu ataaseq.

Sakkutuut immikkut sungiugsakkat sulerinersut sulerisarsimanersullu takussutissani allaqqanngilaq, aamma Ukrainemi sumiinnersut.

Takussutissat maanna siammarterneqartut piviusuunersut taamaannginnersulluunniit aamma uppernarsarneqanngilaq.