Angut sakkutuuiarneq Danmarkimeersoq Amerikami illoqarfimmi New Orleansimi toqutaavoq. Asseq toqqorsivimmitAssi: Shane T. McCoy / US Marshals / Flickr Creative Commons

Sakkutuuiarneq Danmarkimeersoq New Orleansimi aallaatilluni toqutaasoq

Angut Danmarkimeersoq Amerikap kujasissuani illoqarfimmi ujajaaffigineqarsimasorineqarpoq. Motorcykelerluni USA-mi angalanera taama pisoqarpoq.

Angut sakkutuuiarneq Danmarkimeersoq Amerikami illoqarfimmi New Orleansimi toqutaasimasoq nassaarineqarpoq.

Peqqarniitsumik ujaaffigineqarnermini toqutaasimassangatinneqarpoq.

- Pinerluffigineqarsimassangatinneqarpoq. Akunnittarfigisami ungasinngisaani aallaaneqarsimasoq nassaarineqarpoq, pigisaalu tiguneqarsimapput. Ujajaaffigineqarsimassangatinneqarpoq, toqutaasup ilaqutaata eqqartuussissuserisuat Mads Pramming taama oqarpoq.

Angut pineqartoq USA-mi feeriartilluni toqutaavoq. Ikinngutinilu motorcykelerlutik USA-mi angalapput.

Angut pineqartoq nunatsinneersuuvoq Nuummilu peroriartorsimalluni. 

Danmarkimi innuttaassusillip USA-mi toqusimanera Nunanut allanut tunngasunut ministereqarfiup Innuttaasunut sullissivianit uppernarsarneqarpoq. Inuit ataasiakkaat pillugit suliani nipangiussisussaatitaaneq pissutigalugu sullissivik annertunerusumik paasissutissiisinnaanngilaq.

Angutip pineqartup toqunera ilaqutaasunit Facebookkikkut allaaserineqarpoq, qanoq-ilillunili toqusimanera erseqqissumik eqqaaneqanngilaq. Nuliali allappoq toqunermini naalliussimanngitsoq.

Angut pineqartoq New Orleansimi maqaasineqartutut tallimanngormat nalunaarutigineqarpoq, toqungasorlu nassaarineqarsimasoq ilaqutaasunut ataasinngormat kalerriutigineqarpoq.

- Pigisai tiguneqarsimammata kinaassusersinissaa politiit ajornakusoortissimavaat. Danmarkimeersuusormi naluaat, Mads Pramming oqarpoq.

Toqutaasup timaata Danmarkiliaanneqarnissaa eqqartuussissuserisup ilaqutaasullu maanna sulissutigaat.

Toqutaasoq 40-t sinnerlugit ukioqarpoq. Sakkutuuiarnerit klubbiannut ilaasortaavoq, toquneralu tassanngaanniit aamma uppernarsarneqarpoq.

- Ikinngupput toqusimasoq nassaarineqarpoq, eqqaaneqarnera ataqqinartuuli, Blood of Heroes - war veterans Danmark - Facebookimi taama allappoq.

Toqutaasoq sakkutuutut arlaleriarluni aallartitaasarsimavoq. Irakimiillunilu Afghanistanimiissimavoq.

Toqutaasup qimatarai nuliani qitornanilu marluk.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat