Sakkut Europamut eqqussuunneqartut ukiut kingulliit sisamat ingerlaneranni marloriaatinngortut
Rusland Ukrainemut saasssussinerata kingorna sakkut Europamut eqqussuunneqartut ukiut kingulliit sisamat ingerlaneranni marloriaatinngorput.
Tamanna nalunaarusiami nunat tamalaat eqqissinissamut ilisimatusarfianni Stockholms Internationale Fredsforskningsinstitutimi (Sipri) takuneqarsinnaavoq.
Nunat killiit sakkunik aningaasanillu Ukrainemut tunissuteqarput, Ukraine Ruslandimit saassunneqarnermigut illersorsinnaaniassammat.
Siprip nalunaaruisaa naapertorlugu ikinnerpaamik nunat 30-t ukiut kingulliit sisamat ingerlanneranni sakkunik Ukrainemut tapiissuteqarput.
Sakkut Ukrainemut eqqussuunneqartut Europami amerlanerpaartaapput, nunarsuarmilu sakkut eqqussuuneqarneqartut amerlanerpaat sisamaralugu.
Ukraine Ruslandimit saassunneqarnera pissutigalugu, Europami nunat amerlanerit illersornissamut missingersuutitik annertusivaat.
Finland Sverigelu illersoqatigiinnut NATO-mut ilaasortanngoqqammerput.
USA sakkunik Europamut eqquissuinini ukiut kingulliit sisamat ingerlaneranni annertusivaa.
USA sakkunik Europamut 2014-imiit 2018-imut eqqussuinera 35 procentiuvoq.
Ukiullu kingulliit sisamat ingerlaneranni USA-p Europamut sakkunik eqqussuinera 55 procentinut annertusivoq.