Sakkortuumik Benziinasunninnerup atuarfik matugaa
Nuummi qatserisartut ullumi Nuussuup atuarfianukartariaqarsimapput. tamanna pivoq benzinasunnersuaq atuarfimmut tamarmut siaruaammat taamaattumillu qaartoortoqarsinnaanera sillimaniarfigalugu inuerutitinneqarluni.
Allattoq Gedion Storch
novembarip 22-at 2011 16:00
Tamanna eqqissisimasumik ingerlanneqarpoq. Ilinniartitsisut ataatsimiinnissaat pissutigalugu meeqqat angerlartinneqarsimaapput. Benzinasunnersuarlumi pissutigalugu ilinniartitsisut aamma angerlartinneqarput.
Qatserisartut misissuineranit paasineqarpoq tipi kuuffissuarnit pisuusoq, sumilli tamanna pissuteqarsimanersoq suli paaasineqanngilaq. Benzinasunnittumilli tipimik nalliuttoqaqqissagaluarpat atuarfik qinnuigineqarpoq qatserisartunut attaveqaqqullugu.
Angajoqqaat tamaasa minnerunngitsumillu Nuussuup atuarfiani meeqqat atuartut atuarfiup pisortaanit, Janne Kleist Lyberth-imit inuulluaqquneqarput nangillunilu taasuma oqaatigaa aqagu ilinniartitsineq naliginnaasumik ingerlanneqarumaartoq.
