Saammaasseqatigiinnissami inuiaqatigiit isumaat paasineqarnissaat pingaaruteqarpoq

Saammaasseqatigiinnissamut Isumalioqatigiissitap 2017-ip tungaanut sulinerminni tunngaviit sisamat pingaarnertut suliassaat tassaapput, imminut saammaanneq, qanga psisimasunik akuerinninneq, Nunatsinni inuit akornanni akeruerinninneq taamatullu kinguaaritt akornanni akuerinninneq.

Allattoq Apollo Jeremiassen

januaarip 20-at 2015 17:42

Taakkulu tunngavigineqarlutik Nunatsinni innuttaasunik paasiniaanermi aallaavigineqartut, 2017-ip kingorna Isumalioqatigiissitap nalunaarusiaralugit innersuussutigissavaat.

Saammaasseqatigiinnissamut Isumalioqatigiissitaq, sisamanik ilaasortaqartoq, siorna aggustimi siullermeerlutik naapereernerminni suliakkiutaasut tusagassiortunik iullumi katersortitsinerminni tamanut nalunaarutigaat.

Aamma atuaruk Saammaasseqatigiinnissamut isumalioqatigiissitaq ilinniagartuut assortuussutigigaat

Sulinerminnilu tunngaviit sisamaasut pillugit, Isumalioqatigiissitami ilaasortap, Oqaluttuarisaaneq pillugu ilinniagartuup, Jens Heinrichip oqaluttuarai.

- Siullermik suliassarput tassaavoq inuiaqatigiit ilaatinneqarnissaanik suliassaq, tassa taakku qanoq isumaqanersut paasiniassallutigu. Tamannalu suliassaq sivisuumik ingerlanneqartussaassaaq. Aamma suliassaraarput oqaluttuarisaanerup ingerlarnga qanoq ittuusimanersoq. Aamma inuiaqatigiit akornanni suut ajornartorsiutaasimanersut paasiniassavagut. Tassalu tamakku paasiniarneqareerpata, paasisatta ilaat allaaseralutigit tamanut atuagassiarissavagut.

Aamma atuaruk Aleqa: Inuit naleqassusaat pillugu isumalioqatigiissitaliorpugut

Aamma atuaruk SIUNNERSUUT:Saammaasseqatigiinnissamut isumalioqatigiissitaq Ataatsimoornissamut isumalioqatigiissitanngortinneqarli

Saammaasseqatigiinnissaq pillugu Isumalioqatigiissitami ilaasortaq, Oqaluttuarisaaneq pillugu ilinniagartooq, Jens Heinrich taama oqarpoq.

Isumalioqatigiissitap ukiuni tulliuttuni sisamani aningaasartuutissaat katillugit 9,4 millioner koruuniussapput.