Assi: Venstre

Søren Pind: Kalaallit Nunaanni politiit nukittorsarneqarumaarput

Folketingimi partiit politiit pillugit isumaqatigiissusiornerat eqqarsaatigalugu Kalaallit Nunaanni politiit aaqqissugaanikkut aamma nukittorsarneqarumaartut, Danmarkip inatsisinik atuutsitsinermut ministeriata Søren Pindip neriorsuutigaa.

Nunarput sinnerlugu Folketingimut ilaasortat Aleqa Hammond, Siumumeersoq, Aaja Chemnitz Larsenilu, Inuit Ataqatigiinneersoq, ippassaq sisamanngornermi ataatsimeeqatigereerlugillu ministeri taama nalunaaruteqarpoq:

- Kalaallit Nunaannili politiit, politiit pillugit isumaqatigiissutitigut qanoq ilinikkut nukittorsarniarneqarnersut paaseqqaarusuppara, Aaja Chemnitz Larsenip, ataatsimeeqitigereernerup kingorna oqaatigaa.

Aamma atuaruk Politiit peqatigiiffiata amerlanernik aningaasaliinissaq naatsorsuutigaat

Politiit pillugit isumaqatigiissut nutaaq 2016-imit 2019-imut atuuttussaavoq, Folketingimilu isumaqatigiissutigineqaqqammerluni. Nunatta Folketingimi ilaasortaatitai isumaqatiginninniarnernut peqataatinneqanngillat, Nunattalu ilaasortaatitai tassunga atatillugu isorinninnertik Søren Pindimut ippassaq ataatsimiinnermi apuuppaat.

Suliniutilli nutaat Nunatsinnut iluaqutaasussat isumaqatigiissutigineqarput:

- Atlantikup avannaanut tunngasunut inatsisinik atuutsitsinermut ministereqarfimmi immikkoortortaqarfeqalernera nuannaarutigaara, Aaja Chemnitz Larsen oqarpoq, imatulli aamma nangilluni:

- Politiilli pillugit isumaqatiginninniarnernut peqataatitaannginnerput ajuusaarutigaara, aappaagumulluunniit aningaasanut inatsimmut atatillugu isumaqatiginniarnernut aamma peqataatinneqannginnerput aamma ajuusaarnaqaaq. Tamanna ministerimut erseqqissaatigaara. Kalaallit Nunaannili politiit politiit pillugit isumaqatigiissutitigut nukittorsarneqarnerat qulakkeerneqartoq erseqqissaatigaa. Sorpiaalli nukittorsarneqarnersut annerusumik oqaaseqarfiginngilai, aningaasaliissutissammi inissinneqaqqaartussaammata, Aaja Chemnitz Larsen oqarpoq.

Aamma atuaruk Politiit pillugit isumaqatigiissut Aleqa Hammondip isornartippaa

Aamma atuaruk Politeeqarnermut isumaqatigiinniarsimaneq Inuit Ataqatigiit ajuusaarnartoqartippaa

 

Kommunefogedit pitsaanerusumik inissisimalernissaat, Inuit Ataqatigiit kissaatigaat, kommunefogedit pikkorissarneqartarnerisa pitsanngorsaavigineqarnissaat kissaatigineqarluni, soorlu aamma nunaqarfinni isertitsivinnik pisariaqartitsinerit misissuiffigineqarnissaat kissaatigineqartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat