Politiit pillugit isumaqatigiissut Aleqa Hammondip isornartippaa
Taama iliorpoq isumaqarami naalakkersuisut Kalaallit Nunaata aningaasaleqqinnissaa puigoraat.
Siumumi politikeri tusagassiuutinut allakkamini nalunaarpoq Naalagaaffeqatigiinni ataqatigiinneq Danmarkip immeraassutigigaa, politiinut isumaqatigiissummi Kalaallit Nunaata politiivinut aningaasaleeqqittoqanngimmat.
Aamma atuaruk Danskit politeeqarneq pillugu isumaqatigiissutaanni Nunarput peqataatinneqanngitsoq
Isumaqatigiissummi Rigspolitiinut 2 milliarder koruuninik ukiunut sisamanut aningaasaleeqqipput, Kalaallit Nunaalli eqqaaneqarsimanngilaq. Tamanna isornarluinnartoq Hammond isumaqarpoq.
- Eqqortuliornerunngilaq politiit eqqartuussiveqarnerlu pillugit iluarsaasseqqittoqarnera pitsanngorsaasoqarneralu piaaralunilu Kalaallit Nunaat ilaatinnagu.
Aamma atuaruk Politeeqarnermut isumaqatigiissutip imaasa ilai
- Massa ilisimaaralugu Kalaallit politiivinut eqqartuussiveqarnermullu ullutsinnut naleqqittumik annertunerusumik iliuuseqartoqarnissaa pisariaqartitsinneqartoq, Aleqa Hammond allappoq.
Kalaallit Nunaanni politiit sulinerinut, qarasaasiatigut nutarterinernut, kommunefogedinullu illoqarfinnut nunaqarfinnullu minnernut aningaasat amerlanerusut pisariaqartinneqartut Aleqa Hammond isumaqarpoq.
Aamma atuaruk Politeeqarnermut isumaqatigiinniarsimaneq Inuit Ataqatigiit ajuusaarnartoqartippaa