Russit timmisartui danskit naalagaaffiata silaannaannit mattussaasut
Danmarkip naalagaaffiup qulaani silaannaq russip timmisartuutaannut unnugu arfineq pingasunut matussavaa. Tamanna aamma nunatsinnut atuutissaaq, tassa russit timmisartuutai nunarput qulaallugu timmeqqusaajunnaassapput.
Angallannermut ministereqarfiup nittartakkaminut allappoq.
Tamanna Rusland Ukrainemut sakkulersulermat taamatut aalajangertoqarpoq.
Danmark europami nunat allat assigalugit iliuuseqarpoq, tassalu nunat silaannaanut russit timmisartuutai timmeqqusaajunnaarnissaanik iliuuseqarpoq.
AAMMA ATUARUK Putinip tv-kkut saqqummiinera: Ruslandip atomimik sakkulersornini annertusivaa
- Nunarpassuit allat assigalugit Danmark russit saassussineranut assuarliipput, soorunami aamma tamanna kinguneqassaaq. Taamaammallu russit timmisartui Danmarkip silaannaannut tikilluaqqusaajunnaarput.
- Inerteqquteqarneq Kalaallit Nunaanni Savalimmiunilu amma unnuaqeqqaniit atuutilissaaq,
angallannermut ministeri, Trine Bramsen oqarpoq.
Inerteqquteqarneq, timmisartunut Ruslandimut nalunaarsorsimasunut, immaqaluunniit russit timmisartuutileqartigiiffiannut atuuppoq, timmisartut taakku Danmarkip silaannaatigooqqusaanngillat.
Russit timmisartui Danmarkip silaannatigut timmissagaluarpat, Illersornissaqarfiup russit timmisartuat aneqqullugu attavigissavaa.
