Putinip tv-kkut saqqummiinera: Ruslandip atomimik sakkulersornini annertusivaa
Russit præsidentiat, Vladimir Putin, sapaammi tv-kkut taama oqaaseqartoq, nutaarsiassaqartitsivik Reuters allappoq.
- Illersornissamut ministeri aamma Russit illersornissamut qullersaat atomimik sakkulersornikkut immikkut piareersaasiornissaannik naalakkerpakka, Nutaarsaissaqartitsivik AFP naapertorlugu Putin taama oqarpoq.
AAMMA ATUARUK Suinnip nulia qaartartut nakkarmata Kievimiippoq: Qularnanga oqaatigisinnaavara inuutillunga aatsaat taama ernumatigigama
Putinip nassuiaanera naapertorlugu nunat killii, nunallu killiisa illersoqatigiiffiat Nato, Moskvamut aningaasaqarnikkut mattussiniarmata russit peqqarniitsumik suliniuteqarput.
Russit Ukrainemut saassussinerata kingunerisaanik nunat killii annerusumik aningaasaqarnikkut mattussinissamik atuutilersitsipput.
- Natomi nunat ilaasortaasa atorfilittat siunnersortaasa akuerisaannik nunatsinnut peqqarniitsumik nalunaaruteqarput, Vladimir Putin oqarpoq.
Putinip paasissutissiinera naapertorlugu, Ukrainep præsidenteqarfiata allattoqarfiata ilisimatitsissutigigaa, Ukraine Ruslandilu Hvideruslandip Ukrainellu killeqarfiani isumaqatiginninniartut.
AAMMA ATUARUK Politikerit Ukrainimut saassussineq pillugu: Sorsunnermiit ungasissorujussuarmiittutut eqqarsassanngilagut
Nyhedsbureauet AFP beskriver det russiske atomarsenal, som består af tusindvis af atomvåben, som "rygraden" i de russiske afskrækkelsesstyrker.
Russit atomimik qaartartorsuarnik atomimillu sakkuliat tusindilikkaat siorasaarutitut piareersaatigigai, nutaarsiassaqartitsivik AFP allappoq.
USA-p Naalagaaffiit Peqatigiinni ambassadøriat, Linda Thomas -Greenfield, Putinip atominik sakkulersorniarluni nalunaarutaa assuaraa:
- Præsident Putinip taamaalilluni sorsunnini annertusiartortippaa, tamanna akuersaarneqarsinnaanngilluinnarpoq, taamalu sakkortutigisumik iliuuseqarniarnera unitsinniartariaqarpaput, ambassadøri CBG-mut oqarpoq.
Sisamanngorneq ullaaralaannguaq Ruslandip Ukrainimik tiguaaniarnini aallartippaa. Ukrainemi illoqarfiit arlallit ilaatigut rakettinit. Aamma illoqarfiit pingaarnersaanni Kijevimi eqqaassisoqarneranik nalunaaruteqartoqarpoq.
