Russit sakkutuui Ukrainep kangisissuani illoqarfiit ilaanni saassussisaqattaartut
Ukrainemiut sakkutuui russit sakkutuuinit illoqarfinni sorsunnermut pingaaruteqartuni Toretskimi Potrovskimilu Ukrainep kangiani nunap ilaani Donetskimiittut ataasinngornermi unnukkut saassutarineqallattaarput. Ukrainemi sakkutuut taama oqartut, Reuters allappoq.
Russit sakkutuui 21-eriarlutik Toretskip eqqaani ataasinngornermi saassussisimasut, Ukrainemi sakkuttuunit oqaatigineqarpoq. Saassussinerit ilaat unnuaq ilanngullugu ingerlanneqarput.
Pokrovskip eqqaani 63-eriarluni ataasinngornermi akersuuttoqarsimasoq aamma nalunaarutigeqarpoq. Sapaatit akunneranni qaangiuttumi akersuunnerit amerlassutsimikkut nallerneqanngitsut, Pokrovskimi sorsuffimmi nalunaarutigineqarputtaaq.
Ukrainemiut sakkutuui sorsuffimmi allami Ruslandip ilaani Kurskemiittumi sapaatit akunnerini kingullerni marlunni siuariartorsimapput, maannalu 1250 kvadratkilometerit illoqarfiillu minnerit 92-it Ruslandip killeqarfigiaaniittut tigummisarilersimallugit.
Ukrainep præsidentia Volodymyr Zelenskyj Kurskemi pisut killliffiat pillugu ataasinngornermi unnukkut paasissutissiinermini taama oqarpoq.
