Pariserhjul Tysklandimi ikuallammat inuit 30-it ajoquserput
Pariserhjul Tysklandimi illoqarfimmi Leipzigimi festivalertoqarnerani ikuallappoq. Qanoq ilillunni ikuallalersimanersoq suli paasineqanngilaq.
Ikuallattoqarnerani annikitsumik ajoqusertut ilagaat politiit sisamat.
Allattoq Ritzau
aggustip 18-at 2024 18:33
Nutserisoq Jaaku Lyberth
Tysklandimi illoqarfimmi Leipzigimi festivalertoqarnerani issialluni kaavittuliaq pariserhjul ikuallammat inuit 30-it ajoquserput.
Qanoq ililluni ikuallalersimanersoq suli paasineqanngitsoq politiit oqaaseqartuat tusagassiorfimmut bildimut oqarpoq.
- Kaavittuliap issivittaata ilaat ikuallalermat allanut siaruaappoq.
Inuit 30-it ajoquserput, amerlanerit annikitsuinnarmik ajoquserlutik.
Ajoqusertut 30-it putsumik najuussuisimapput.
Politiit sisamat annikitsumik ajoquserput.
Ikuallanneq pivoq, Highfeld Festivalimi Leipzigip kujasinnerusortaaniittumi.
Ikuallanneq aallartippoq unnukkut qulingiluat qaangilaaraa, qatserisartullu oqarnerat naapertorlugu akunnerup affaa qaangiummat ikuallanneq qaminneqarpoq
