Ruslandip Ukrainemi nukissiuuteqarfiit ilaat saassukkai

Ukrainemi nunap immikkoortuisa ilaanni Ruslandimit tiguaqqaneqartumi atomimik nukiliorfiutimmi sulisut marluk periarfeerunneqartut, nukiliorfimmik ingerlatsisut nalunaarput.
Nukissiorfiit pingasut Kyivimi qaartartumeerneqarsimasut, Ukrainep præsidentiata Volodymyr Zelenskyj-p siunnersortaasa ilaata oqaatigaa. Assi © : Sergei Supinsky/AFP/Ritzau Scanpix
Allattoq Ritzau
oktobarip 18-at 2022 09:01
Nutserisoq Mads Lynge

Ruslandip Ukrainemi nukissiuuteqarfiit Kyivimi Zjytomyrimilu ullaaq manna saassuppai.

Ukrainemi oqartussat taama oqaluttuarput.

Nukissiorfiit pingasut Kyivimi qaartartumeerneqarsimasut, Ukrainep præsidentiata Volodymyr Zelenskyj-p siunnersortaasa ilaata oqaatigaa.

Kyivimit kimmut illoqarfimmi Zjytomyrimi borgmesterip aamma oqaatigaa illoqarfik marlunngornermi saassunneqartoq. Nutaarsiassaqartitsivik Reuters taama allaaserisaqarpoq.

AAMMA ATUARUK Putin: Ukrainemut missilinik saassussivugut

- Illoqarfitsinni massakkorpiaq innaallagiaqaranilu imeqanngilaq, Zjytomyrimi borgmesteria Serhiy Sukhomlyn allappoq.

- Napparsimmaviit ajornartoornermi sarfalersorneqarlutillu imermik pilersorneqarput.

Ukrainep naalagaaffiata atomimik nukiliorfiata, Energoatomip russit Zaporizjzjami atomimik nukiliorfimmi sulisunut qullersanik marlunnik aamma aallarussisimanerarpai.

Atomimik nukiliorfik taanna Ukrainemi nunap immikkoortuani russinit tiguaqqaneqartumiippoq.

 

Aamma atuaruk