Ruslandip Ukraine gassimik nioqqutissiorfimmi ikuallattoqarneranut pissutaaneraraa
Ukraine Ruslandimi gassimik pilersuinermi nioqqutissiorfiit annerit ilaanni Novatekimi ikuallattoqarneranut pissutaasoq, Ruslandip naalakkersuisuisa pasilliutigaat. Gassimik nioqqutissiorfik Novatek Østersømut sinerissap nalaaniippoq.
Nutaarsiassaqartitsivik AFP taama allappoq.
Novatekimi sapaammi ikuallattoqalerpoq.
- Kyivimi aqutsisut peqqarniitsulioqqipput. Nunap atortulersugaaneranik inunnillu saassussisarput, Ruslandimi naalakkersuisut oqaaseqartitaat Dmitrij Peskov oqarpoq.
Gassimilli nioqqutissiorfik pineqartoq Ukrainemit ungasissumiippoq.
Gassimik nioqqutissiorfimmi ikuallattoqarmat inunnik ajoqusertoqanngilaq, nioqqutissiornerli ikuallattoqarnerata kigunerisaanik sapaammi unitsinneqarpoq.
Ukrainep nioqqutissiorfimmik saassussisuusimanissaanut tusatsiakkat sapaammi siammarterneqalereerput.
Ukraineli gassimik nioqqutissiorfimmik ikuallatsitsisuunnginnerarpoq.
