Ruslandimi naalakkersuisut aningaasarsiornermi ikiorsiiniarput, assersuutigalugu namminersortut Issittumi nukissiuuteqarnermi suliallit akilerarnikinnerusalernissaat siunniunneqarluni.Assi: VANO / Flickr

Ruslandip amerlanerusut Issittumi najugaqalersinniarai

Akileraarnikinnerulersitsineq attaveqaatull nutaat Ruslandip issittortaani inuunermi atugassarititaasunut pitsaanerulersitseqataassapput.

Issittumi najugaqarnissaq Ruslandip pilerinarsarniarpaa, akileraarnikinnerusinnaanissaq, nunallu pitsaanerusumik atortulersugaaneratigut tamanna anguniarneqassalluni.

Ruslandip Issittortaanut ukiuni tulliuttuni 15-ini iliuusissatut pilersaarummi tamanna atuarneqarsinnaavoq.

Iliuusissatut pilersaarut ukioq 2035-p tungaanut ingerlasussaq ippassaq sisamannngornermi saqqummiunneqarpoq.

Inuit Issittumi najugaqareersut inuunerat ataatsimut isigalugu pitsanngorsarneqarnissaa anguniagaavoq, Issittumilu aningaasarsiorneq ineriartortinneqassalluni.

Nunap attaveqaatitigut atortulersugaanera teknologiillu assigiinngitsut pitsanngorsarneqassapput, Issittup isumannaatsuunissaa anguniagaalluni.

AAMMA ATUARUK Ruslandip avannaatungaani pisarnermit sikoqarpiannginnera atorluarneqartoq

Ruslandimi naalakkersuisut aningaasarsiornermi ikiorsiiniarput, assersuutigalugu namminersortut Issittumi nukissiuuteqarnermi suliallit akilerarnikinnerusalernissaat siunniunneqarluni.

Innuttaasullu Issittumi najugaqarusuttut aningaasanik tunineqarsinnaanissaat aamma ammaanneqarluni.

Ruslandip Issittortaani nukissiuuteqarnikkut inerisaasoqarnissaa Ruslandip naalakkersuisuisa pilersaarutigaat.

Rusland avannaqqullugu kangianut aqqutip atorneqarnerusalernissaa Ruslandip neriuutigaa. Silap pissusiata allanngoriartornerata malitsigisaanik aqqqut uuliamik gassimillu assartuinermut atorneqarnissaa Ruslandimi naalakkersuisut kissaatigaat.

Pilersaarutit pineqartut aqqutigalugit suliffiit 10.000-ilikkaat pilersinneqarnissaat pilersaarutaavoq.

Umiarsuit Rusland avannaqqullugu aqqutikkoornerusalerpata, Europamit Asiamut angallanneq ajornaannerulissaaq, sivikinnerungaatsialissalluni, Suez-kanalikkut, Afrikalluuunniit sineriaatigut angallannermut naleqqiullugu ajornaannerulissalluni.

AAMMA ATUARUK Timmisartuaqqat inuttaqanngitsut iluliarsuarnilu GPS-it Sullualummi isumannaannerulersitsissasut

Ruslandip Issittortaa maannamut sumiginnagaasimasorujussuuvoq.

Ruslandip sinneranut naleqqiullugu suliffissaaleqisoqangaatsiarpoq, piitsullu amerlallutik.

Ruslandip Issittortaani innuttaasut ukiuni qulikkaani kingullerni ikiliartuinnallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat