Ruslandip avannaatungaani pisarnermit sikoqarpiannginnera atorluarneqartoq
Ruslandip avannaatigut umiarsuarnik nioqqutissanik assartuisarneq annertuseriapiloorpoq tassami 430 procentinik annertunerulersimammat.
Nioqqutissat nassiussallu 31,5 million tonsitut oqimaatsigigut Ruslandip avannaatigut Nordøstpassageakkut siorna 2019-mi assartorneqarput.
Nunarsuatta avannaarpiarsuani sikup aakkiartornera ilutigalugu umiarsuit amerliartuinnartut issittumi aqqut atorlugu assartuipput.
Angallaffiunerpaaq imaq tassaavoq Nordsøstpassagen taanna 5.600 kilometerisut isorartutigivoq kitaani immamit Karahavetimit kangimut Beringip ikerasassuata tungaanut
Nioqqutissat nassiusallu aqqut taanna atorlugu assartorneqartut ukiut pingasut ingerlaneranni 430 procentinik qaffapput.
2019-mi aqqut taanna atorlugu, nassiussat nioqqutissallu 31,5 million tonsit assartorneqarput, annerusumik gassi imerpalasoq issittup imartaatigut assartorneqartarluni.