Ruslandimi illuatungiliuttuni politikeri Aleksej Navalnyj toqusoq

Ruslandimi illuatungiliuttuni politikeri, Aleksej Navalnyj, parnaarussivimmiitsilluni 47-nik ukioqarluni toquvoq.

Ruslandimi parnaarussiveqarfinnik oqartussat Navalnyj-p toquneranik nalunaaruteqartuupput.

Navalnyj-p toquneranut pissutaasinnaasut misissorneqaleruttortut, nutaarsiassaqartitsivik Reuters allappoq.

Navalnyj Ruslandimi maanna præsidentimut, Vladimir Putinimut, isornartorsiuisuni nuimanersaasoq toqunartutortinneqarluni 2020-mi aggustimi toqoriaraluarneqarpoq.

Tysklandimi kingorna katsorsarneqarpoq, tassanngaanniillu Ruslandimut uterluni tikikkami tigusaavoq parnaarussaallunilu.

Navalnyj Ruslandip qiterpasissuani maannamut parnaarussaaqqavoq.

Navalnyj-p suna toqqutigineraa Kremlimit nalunaarutigineqanngilaq, Putinili ilisimatinneqareersoq oqaatigineqarluni.

Putinimik isorinnittoq præsidentimut qinersinissamut sassartitaaqqusaanikuunngilaq.