Rusland Kharkivimi saassussimmat annaassiniartartut pingasut toqutaasut

Rusland timmisartuaqqanik ungasianiit aquttakkanik Ukrainemi illoqarfimmi Kharkivimi saassussimmat, annaassiniartartut pingasut toqutaapput.

Ukrainemi nunap immikkoortuata guvernøria Kharkivillu borgmesteria taama ilisimatitsisut, nutaarsiassaqartitsivik Reuters allappoq.

Illoqarfik Kharkiv Ukrainemi annersaasa tulleraat.

Annaassiniartartut saassussiffigineqaqqammersumut apuummata sumiiffik taanna saassunneqaqqippoq, annaassiniartartullu tassani toqutaasut nunap immikkoortuata Kharkivip guvernøriata Oleh Synjebovip ilisimatitsissutigaa.

Kharkiv katillugit sisamariarluni saassunneqarpoq, inissiaqarfiit ilaat ajoquserneqarluni.

Kharkivip borgmesteriata Ihor Terekhovip oqarnera naapertorlugu saassussinerit ilaasa kingunerisaannik ikuallattoqalertoq, nutaarsiassaqartitsivik Ritzau allappoq.

Illut ilaat alla ilaannakortumik nakkaassimasoq nalunaarutigineqarpoq.

Paasissutissat nutaarsiassaqartitsiviup Reutersip suli uppernarsarsinnaasimanngilai.

Illoqarfik Kharkiv Ruslandimit saassunneqakulavoq.