Kyivimi siggartaassuit aallartinneqartut - illorsuaq najugaqarfiusoq qaartartumik eqqorneqartoq
![](/sites/default/files/styles/image_934x467/public/2024-03/20240325-104523-L-1920x1280we.jpg?itok=pybKL0CD)
Ukrainemi illoqarfiit pingaarnersaanni Kyivimi siggartaassuit ataasinngornermi ullup qeqqata siorna aallartinneqarput qaaartartumeerinerillu arlaqartut tusaaneqarsinnaasimallutik.
Kyivip borgmesteria, Vitalij Klitsjko, nalunaaruteqartarfimmi Telegramimi taama allappoq.
- Illoqarfiit pingaarnersaanni qaartatumeerisoqarpoq. Isumannaatsumukapallagitsi, borgmesteri allappoq.
Kyivimi illorsuaq najugaqarfiusoq ajoquserneqarsimasoq, Kyivimi oqartussaasut nalunaarput.
Rusland qaartartunik Ukrainep illoqarfiisa pingaarnersaata tungaanut igeriussisimasoq, USA-p Kyivimi ambassadøria attaveqatigiittarfimmi X-imi allappoq.
Rusland qaartartunik timmisartuaqqanillu ungasianit aqunneqartartunik hundredelikkuutaanik Ukrainemut ullut kingulliit tallimat igeriussisarpoq.