USA-p præsidentiata Donald Trumpip Kalaallit Nunaat pisiariniarlugu oqaluninni pimooruppaa.

USA-p nunanut allanut tunngasuni naalakkersuisua Marco Rubio SiriusXM Radiomut taama oqarpoq.

- Asuli quiasaarutaanngilaq, taanna radiomut oqarpoq.

Danmarkimulli sakkutooqarnikkut pissaanermik atuinissamik sioorasaarinera ilungersunartumik tiguneqassanngitsoq, taassuma apersorneqarnermini aamma oqaatigaa.

Trump taamaaliornissamik sioorasaaruteqarnera niuernikkut anguniagaqarniartut taaneqarsinnaasoq aamma USA Danmarkilu Kalaallit Nunaat saassunneqassagaluarpat illersuinissaq pillugu isumaqatigiissuteqartut, taassuma aamma nassuiaatigaa.

- Illersuisuunissamik isumaqatigiissuteqareerpugut, taamaammat nakkutilliinerunissamut aamma tunngavissaqarluarpugut, taanna oqarpoq.

Trumpilli taama nalunaaruteqarnera nammineerlutik pitsaanerusumik qanoq iliuuseqarfigisimasinnaagaluaritsik, taassuma nassuerutigaa.

- Pisorpassuit tamat tutsaanni pipput, taamaanneralu iluaqutaanngilaq, tamaaliornikkummi illua tungeq nammineq nunamini ajornakusoortumiilersinneqarpoq.