Rubiinit nunatsinneersut siulliit akitsorterunneqartut

Rubinimik pinnersaasiat "La Nina"-mit atillit ujammit iverutillu akitsorterussisarfimmit Bruun Rasmussenimi kaattaanneqarput.

Pinnersaatit nuilarmiunit isumassarsiorfiusut 18 karat guultiupput, rubiininillu kusassaasersugaallutik.

AAMMA ATUARUK Kappoqqummik rubinitalimmik tuniniaallutik meeqqanut aningaasanik katersuiniartut

Taakkulu rubinit Qeqertarsuatsiaanni piiaavimmi Aappaluttumeersuupput. Piiaavik pisortatigoortumik siorna maajiimi ammarneqarpoq.

Ujammit iverutillu 75.000 100.000 koruunillu akornanni naleqassangatinneqarput. Marsillu aallaqqaataata tungaanut akitsorterinermi neqeroortoqarsinnaalluni.

AAMMA ATUARUK LNS-ip 200 millionit sinnerlugit kaaviaartitsinissani naatsorsuutigaa

Akitsorterussisarfik naapertorlugu aningaasat isertitat ilaat suliniummut ”Pink Polar Bear Foundation”-imut atorneqassapput, taanna issittumi ilisimatusarfiulluni, silap pissusiata allanngoriartorneranit inuit taamatullu uumasut sunnerneqarnerannut misissuiffiusoq.

AAMMA ATUARUK Rubiinit kingulliit nunatsinniileqqittut