Rubiinit kingulliit nunatsinniileqqittut
Rubiinit Aappaluttumiit Canadami misissorneqartussanngortillugit nassiussat kingulliit maanna nunatsinnut utersimalerput.
Aatsitassanut naalakkersuisoqarfiup rubiinit angerlartinneqartut aggustip qaammataata qeqqani nalunaarutigaa. Rubiinilli piareersarneqarluarsimasuinnaat timmisartukkut nassiunneqarput.
AAMMA ATUARUK Rubiinit Canadamiit nunatsinnut angerlaanneqartut
Tamatumali saniatigut suliarineqarluarsimannginnerusut qaqqameersullu atortussat containerikkut nassiunneqarput. Taakkulu maanna tikissimalerput, taamaalilluni kalaallit rubiinaataat tamarmik nunatsinnut utersimalerlutik.
Rubiinit aatsitassarsiornermut suliniutip aallartisarneranut atatillugu nunatsinni misissuinermut atortoqannginnera pissutigalugu Canadami misissoqqissaarneqartussanngorlugit nassiunneqarput.
AAMMA ATUARUK Akiliisinnaajunnaarnermit rubininut
Rubiinit atortussallu suliarineqanngitsut rubiinit allat sumiiffimmi tassani piiarneqarsimasut ilagalugit nioqqutissiarineqartussaapput.
