Royal Greenlandip Aalborgimi tunisassiorfiutini matuleraa
Royal Greenlandip Aalborgimi tunisassiorfiani sulisut nalunaarut tamanna tallimanngormat paasivaat, TV2-nord allappoq.
Tassungalu taarsiullugu Royal Greenlandimi aqutsisut tunisassiorfiup Tysklandimut nuunneqarnissaat toqqarpaat.
Maluginiaqquneqarpoq Svendstruppimi Royal Greenlandip tunisassiorfia pineqanngimmat, Aalborgimili tunissassiorfik tassani pineqarmat.
Tunisassiorfimmik matusinermi suliffeeruttussat amerlasut oqaatigineqarpoq:
- Sulisut 50-it missaanniittut eqqugaassapput tassalu, atorfillit, tunisassiortut kiisalu taakku saniatigut vikaarit. Taama oqarpoq Danmarkimi 3F-imi sulisut peqatigiiffiani siulittaasoq, Benny Vinther.
Tysklandip avannaa tungaaniittumut tunisassiorfiup nuunneqarnerani sulisunut aningaasartuutit ikinnerulissasut taanna ilisimatitsivoq.
Benny Vintherip oqarnera naapertorlugu tunisassiorfik novemabarip qaammataani matuneqassaaq.