Royal Arctic Line umiarsuarmik Sikuiuitsumut Kujallermukartitseqqittoq

Umiarsuaq containerinik assartuut Malik Arctica Sikuiuitsumi Kujallermi ilisimatusarfimmut pajuppoq.
Assimi takuneqarsinnaavoq Malik Arcticas kingullermik Sikuiuitsumi Kujallermiilluni sikumut usingiartoq. Assi © : Royal Arctic Line
Allattoq Mathies Hvid Toft
novembarip 25-at 2021 09:35
Nutserisoq Ulf Fleischer

2007imiilli ukioq ataaseq taamaallaat minillugu ukiut tamaasa, Royal Arctic Line Sikuiuitsumut Kujallermut assartuussisarnikuuvoq.

2021mi aamma maannakkorpiaq containerinik assartuut Malik Arctica Sikuiuitsumi Kujallermi tyskit ilisimatusarfiannut Alfred Wegener institutimut assartuussivoq.

Tusagassiuutinut taamatut umiarsuaatileqatigiiffik nalunaarpoq.

AAMMA ATUARUK Ilisimatooq: Sikuiuitsumi Kujallermi kiatsikkiartuinnarnera aarleqqutigisariaqarparput

- Malik Arctica Bremerhavenimi usilersoriarluni Cape Townimi assartugassat kingulliit issorariarlugit suli kujasinnerusumi sikup ilaatigut 15 meterinik portussusilip sinaaniit unammillernartumik usingiartussaavoq.

Royal Arctic Linep Nunatta imartaani sikoqaqisumi angalanermik misilittagaqarlunilu Malik Arcticap immikkut qajannaassakkamik ameqarnera pissutigalugu Sikuiuitsumut Kujallermut attartorneqarpoq.

Malik Arcticami containerinik assartuutaavoq qajannaannerpaamik amilik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq